Friday, 27 July 2012

دوره الالعاب الاوليمبيه لندن 2012




إيه العظمه و الجمال و الروعه دي. لندن هي المدينه الوحيده في العالم اللي كان لها الشرف انها تنظم دوره الالعاب الاوليمبيه 3 مرات لغايه دلوقتي.
العرض كان خرافي و الحضور من المشاهير لا حصر لهم. طبعا اولهم ملكه انجلترا اللي اعطت أشاره البدايه. طبعا كان فيه أجزاء لذيذه قوي زي مرافقه دانيل كريج "جيمس بوند في كازينو رويال" للملكه من القصر في هليكوبتر لغايه الاستاد ووجود "مستر بينز" في الاوركسترا 
طبعا السير "بول ماكارتني" واغنيه من السبعينات من أغاني فرقه البيتلز القديمه
 " Hey Jude "  
طبعا التنظيم و الممتطوعين والاخراج علي اعلي مستوي. حاجه واحده بس..انا اكتشفت
 أن في علي سطح الكره الارضيه دول..عمري ما سمعت عنها

Tuesday, 24 July 2012

موكوسه......ومتعوس




لقيت فانوس علاء الدين ودعكته طلعلى عفريت قاللي  شبيكي لبيك
قلت أنا للفقر باي باي  وودعته وللعفريت وحياة الست أمك هاهريك
......
قالى العفريت  هأوأو يا بنتي دانا عفريت مارد من نار و إبن جان
ولا انا يهمني مكان ولا زمان واطلبي وشوفي اللي هيحصلك كمان 
........
أناعاوزه أودع كل ايام الفقر وعاوزه مرتب يكفيني لآخر الشهر
ورصيد في بنك ما يخلصش طول العمر واصحابي  يبطلوا فشر
........
وعاوزه فلوس ماتطيرش زي العصافير مهما صرفت بكل تبذير
دهب وفضه و الماظات بمعايير وخدم و حشم  وموظفين كتير
..........
وأكلة كباب مشوى على السيخ مع كل أصحابي فى شرم الشيخ
وأشرب بعدها عصير بطيخ يالا حالا هات بسرعه بدون تلطيخ
**********************
**********************
رد العفريت عليا  و قال بكل الم يا بنتي وحياتك ماكنش العشم
بصي يا ماما أنا ممكن أشيل الهرم واسدلك الأوزون اللى اتخرم
...........
وأرجعلك الأكل بتاع امبارح اللى اتهضم وتمأمأ البقرة كأنها غنم
وفي الهوا أبني قصر من العدم وأقولك لو حبيتي معنى شُرُم بُرُم
............
بس طلباتك دي طلبات واحده ملموسه عقلها نخورت فيه سوسه
ده تخطيط يا بنتى وخطه مدروسه إنك تعيشي دايما كده موكوسه
............
ويا ريت ترجعينى تانى الفانوس وأنا راضى أعيش كده محبوس
بدل ما أخرج اتبهدل زيك وتتلم الموكوسه على عفريت متعوس



Sunday, 22 July 2012

هما ... و إحنا





تعالوا نشوف الفرق بين اوضه الشاب الأجنبي والعربي

:اوضه الشاب الاجنبى فيها

مضرب تنس
لابتوب
 صورته مع الموزه بتاعته
 بنطلون جينز متعلق
 قزازه مياه معدنيه
مضرب بيبسبول
 
:اوضه الشاب العربي فيها

فانيله و بنطلون معلقين ورا الباب بقالهم شهر متغسلوش
 علب بيبسي فاضية
 كبايه شاي مطفي فيه سيجاره
 صورته مع الشله على القهوه
بلاي ستيشن ايد شغاله والثانية خربانة
 أفلام دي ڤي دي على الأرض
فرده شراب علي الطرابيزه و التانيه مفقوده
كيس شيبسى فاضى بقاله يومين تحت السرير
نص رغيف فيه فول باقي الفطار بتاع امبارح في طبق ع السرير
 
و... كفايه عشان ربنا أمر بالستر
 
 


قالوا .... وقال




و لما رأيت الجهل في الناس فاشيا *** تجاهلت حتى ظن أني جاهل 
 أبو العلاء المعري 

فقر الجهول بلا عقل إلى أدب *** فقر الحمار بلا رأس إلى رسن
المتنبي 

ذو العقل يشقى في النعيم بعقله *** و أخو الجهالة في الشقاوة ينعم 
المتنبي 

كم يرفع العلم أشخاصا إلى رتب *** و يخفض الجهل أشرافا بلا أدب 
 الشافعي

تعلم فليس المرء يولد عالماً  ***  وليس أخو علم كمن هو جاهل
 وإن كبير القوم لا علم عنده  ***  صغير إذا التفت عليه الجحافل
وإن صغير القوم إن كان عالماً  ***  كبير إذا ردت إليه المحــافـــل
الشافعي

بلد بتاعه شهادات صحيح
عادل إمام

العلم نورون





من تلات تيام عملت شعري ششوار وأتغديت شندوشتات وكنت لابسه منطلون والدنيا كانت زحمه موت ففضلت أدوس علي تلاكس العربيه وبـــ صوبع واحد وعم سليمان سألني رأيك أيه فقلت له بدام انت موافق أنا كمان أيون وكانت الدنيا بتنطر و حودت ع الــــ بنزيمة حطيت بنزيم  وروحت عند هدي شميت ريحه ملوخية بالأنارب قولت مش هقدر اكل تاني احسن ينقلوني ع الـــ مشتشفى وقعدنا ندردش في الـــــ جونينة ديك النهار .. ودوكها
حلو الكلام دوَت .. المهم البت الخدامه جابت شويه عسل من البطرمان
وهدي حطته ع الكركريه وقالتلي تاخدي حبه..قولتلها ابعدي عني انتي ( روخرة ) وشويه و الدنيا ضلمت فقلتلها إيدي اللنضة وانا مِرَوَحَه بقي قالت لي انا رايحه لعايده قولتلها تحبي اوصلك؟ قالت ليه الـــ توكوسه (جمع تاكسي) ماليه الدنيا بردك و يوووووه لسه فيه حاجات تانية بس نخلص من ((دولم)) الأول
وسلمولي علي اللغه العربيه

فرق بسيط





كآنت بتحضر الفطار وبتفكر( مربى- زبده -قهوة ) تحب ايه كمان؟
رد بسرعه أحبك أنت ... ضحكت بدلع وقالت له أنا قصدي الفطار
شدها بحنان وبص في عنيها ... ومن قآل لك أنك مش فطوري
.
"دي النسخة التركيه طبعا...نيجي للنسخة المصريه بقى"

كآنت بتحضر الفطار وبتفكر( مربى- زبده -قهوة ) تحب ايه كمان؟
رد بسرعه وبيض مسلوق وجبنه وشكشوكه وفول وطعميه وعيش بلدي مع شاي بحليب
!!!!!بصت له وقالت يالهوي هتاكل كل ده
شدها بعنف وبص في عنيها وقال...وانتى مال أهلك؟؟؟
كله من فلوسي ... حضري الفطار وانت ساكته